Euskara


MAIATZAK 6
ZUK ZER DIOZU?
Resultado de imagen de eki 6 ZUK ZER DIOZU


KONPETENTZIA

Ikasleak bere ikuspuntua adierazi eta justifikatzen du aurkikuntzekin lotutako eztabaida-gai baten inguruan, baieztapen modura, arrazoiak balioetsiz eta hainbat argudio mota erabiliz.



HASIERAKO EGOERA

Historian zehar egindako aurkikuntzak onuragarriak izan al dira gizakiarentzat?

Gurpila, sua, irratia, idazketa, telebista, x izpiak, wifia, hozkailua, jokoak, bizikleta… Zenbat asmakizun, zenbat gozamen, eta zenbat ongizate!

Pentsatu al duzu inoiz nola biziko ginatekeen gizakiak egin dituen asmakizun eta aurkikuntza horiek guztiak gabe?

Gizakiak berezkoa du (edo dugu) sortzeko dohaina eta irrika. Gehienetan, bizimodua errazteko, ongi pasatzeko edota osasuntsuago bizitzeko sortu ohi ditu gizakiak hainbat eta hainbat berrikuntza. Beste batzuetan, berriz, atzera begira jarri, eta izan zena ulertzeko ere egiten ditu aurkikuntzak, modu horretan izan garena ulertu eta bertatik eraikitzen hasteko.

Hala ere, ezin dugu ahaztu beste batzuetan sorkuntza horiek kaltea ere eragin dezaketela. Ez al duzu hala uste?

Arlo honetan, aurkikuntzak aztertuko dituzu. Alde batetik, dakartzaten onurak eta kalteak ikusiko dituzu; eta, bestetik, horiek defendatzeko informazio sinesgarrietan oinarritutako argudioak landuko dituzu. Bukatzeko, Zuk zer diozu? izeneko liburu bilduma egingo duzu, etxekoek ikusi eta irakurtzeko.

URTARRILAK 9
6.2 Euskara

. KONPETENTZIA ETA HASIERAKO EGOERA (egoera didaktikoa)
KONPETENTZIA
Ikasleak, irakurketa esperientziak partekatzea eta irakurritakoa baloratzea helburu duten egoeretan norbere iritzia ahoz zein idatziz eman eta justifikatzen du, eta, sormena baliatuz, istorioak idazten ditu norberak bizitzea gustoko lukeen esperientzia imajinatu eta komunikatzeko.

Bizitzaren leiho zabalak irekitzeko
amets eroak egiteko
ezagutzen ez ditugunekin hitz egiteko
ezagutzen ez ditugunei entzuteko

Mariasun Landa

Istorioek, kontakizunek, komikiek, filmek… beste mundu batzuetara eramaten gaituzte, beste errealitate batzuetara. Askotan, gainera, bat egiten dugu pertsonaiaren batekin edota istorioan gertatzen den esperientziaren batekin. Ez al zaizu hori gertatzen? Inoiz ez al duzu sentitu zeu zarela pertsonaia? Nork ez ditu heroi baten botereak eskura izan, mago baten magia martxan jarri, detektibe baten modura hiltzailea topatu, animalia baten lekuan jarri…?
Gertakari askotarikoek orotariko emozioak sortzen dizkigute: harridura, tentsioa, alaitasuna, maitasuna, samina, haserrea… Eta, bizipen horien bidez, eta istorioek kontatzen diguten horri esker, gure bizitza hobetzen dugu: gauza asko ulertzen ditugu, geure burua gehiago ezagutzen dugu, besteak ulertzen eta besteengana hurbiltzen laguntzen digu...
Beraz, unitatean zehar, hitzari bitsa ateraz, zure barrua kilimaz betetzea espero dugu. Barrua bizi-bizi jarri nahi dizugu narrazioen bidez, gozamenez irakur dezazun eta literatura-tertulietan hainbat gauza parteka dezazun besteekin. Eta, gozamen hori sentitzeaz gain, bizitzea gustatuko litzaizukeen istorio bat idatziko duzu. Gero, unitatearen amaieran, Liburuaren Eguna ospatzen dugunean, gelakide bati oparituko diozu zure idazlana, eta hark istorio horren balioespena idatzi eta emango dizu.









 KONPETENTZIA  ETA HASIERAKO  EGOERA (EGOERA DIDAKTIKOA)  
Antzinatik  datorkio gizakiari  gertaerak, kezkak eta  desirak ahoz kontatzea eta  kantatzea. Euskal Herrian ez  da galdu ohitura hori; horren lekuko  dira gureganaino belaunaldiz belaunaldi heldu   diren ipuinak, bertsoak, sehaska-­‐kantak...
Mundua   aldatzen  ari da. Bai,   hala da! Baina  begira bertsolaritzari.   Izan al du aldaketarik?  Oraindik ere baliagarria al   da gaur egungo gertaerak, kezkak,   kritikak, desirak, ametsak eta abarrak  adierazteko?
Galdera   horiei guztiei   erantzuna emateko,   ibilbide bat egingo   dugu unitatean zehar.  Gauzak eginez frogatzen direlako  eta Gabonak gertu ditugulako, gurasoei,  aitona-­‐amonei, izeba-­‐osabei eta beste   batzuei bertso-­‐emanaldi bat eskaintzea proposatzen   dizuegu. Lortuko al dugu entzuleei gure gertaerak, kezkak,  kritikak, desirak, ametsak eta abarrak aditzera ematea eta, aldi  berean, entzunez eta gurekin kantatuz gozatzea?

iruzkinik ez:

Argitaratu iruzkina